Bu tchur Nha dur (Teu desgosto, minha dor)

Kuma ku n' pudi diskisi

Nha jinti 

Kuma ku n' ka na lenbrau

Nha dona

Bu bai dja sin bensuan

Ki tchon di bidjugus nguliu dja

Sin barsan, N'na

Bu fitcha udjus bu djunta ku Aua

Pa bai barsa Teta ku Natália

Nos bo ta penbi Natali di Bacar

Li na tera di djintis

Li na djorson di utrus

Li nunde ku yagu intchi puti di udjus

Ali nha pitu na da kangaluta

Kasabi na forinhan korson

Ma n'ka na diskisiu

Oguané

Sempre n' na djubiu na sunhus

N' na bata bai n' bin sin bu sinti

Na barsau la, nha Isabel

Na barsau na un sunhu son

Kuma ku n' pudi diskisi 

Nha familia oh

Kuma ke ka na mamanta 

Nha luta li ne tera

Lundju delis, lundju di moransa

Eh, ma bu negan Isabel

Nha Deus, n' na gardisiu de

Ma korson na firbi 

E dur garandi di mas

Oguané

Seta nha lagrima

N' sta lundju di mas 

Nha korson ka sta pertu di bo

Ma Oguané

E bu tchur

I nha dur

(In Ana Isabel I)

Delo Belo

2010